Nuggets tal-Majjal ta' Malta

Ingredjenti :

  • 500g loin tal-Majjal ta’ Malta
  • nofs kikra marmalade jew ġamm tal-berquq
  • żewġ mgħaref soy sauce
  • nofs kuċċarina ġinġer mitħun
  • niskata tewm mitħun
  • kikkra u nofs cornflakes
  • żejt tat-tisjir
Isservi 4

Kif issajjar :

Qatta’ l-majjal b’biċċiet kwadri. Ġo borża tal-plastik ħallat flimkien il-marmalade jew il-ġamm, is-soy sauce, il-ġinġer, it-tewm u l-biċċiet tal-majjal. Ċaqlaq il-borża bil-mod biex tħallat l-ingredjenti flimkien u wara ħallih jimmarina fil-friġġ għal mill-anqas siegħa.

Sadanittant, ġo borża tal-plastik ohra poġġi l-cornflakes u għaffiġhom sakemm jitfarrku b’biċċiet żgħar. Saħħan il-forn għal 200 gradi Celsius. Neħħi l-majjal mill-immarinar u għatti l-majjal bil-frak tal-cornflakes. Poggi f’dixx miksi bil-foil u midluk bi ftit cooking spray.

Sajjar fil-forn għal għaxar minuti, dawwar il-biċċiet tal-majjal u sajjar għal bejn 10 u 15-il minuta sakemm jitlaq ir-roża kollu. Servi bi ftit plum sauce u bi ftit haxix nej bħal strixxi tal-karrotti.