Ross bil-majjal u l-faqqiegħ

Ingredjenti :

  • Nofs kilo laħam dgħejf tal-Majjal ta’ Malta
  • 375g ross
  • 250g faqqiegħ
  • 200g inbid aħmar
  • mgħarfa meraq tal-lumi
  • nofs kuċċarina saffron
  • 4 mgħaref żejt taż-żebbuġa
  • 5 imgħaref krema friska
  • ftit tursin frisk
Isservi 4

Kif issajjar :

Qatta’ l-majjal f’biċċiet twal u rqaq u aqli fi ftit żejt taż-żebbuġa sakemm jibda jismar. Żid il-faqqiegħ u sajjar għal madwar żewġ minuti. Wara żid l-inbid aħmar u ħallih itektek fuq nar baxx għal madwar 20 minuta.

Sadanittant, għalli r-ross ġo borma misħun u żid il-meraq tal-lumi u s-saffron. Qabel ma jsir r-ross, itfa’ l-krema friska mat-taħlita tal-majjal u l-faqqiegħ u ħallih isir għal ftit minuti. Ħallat r-ross mat-taħlita, servi sħun u żejjen bi ftit tursin imqatta’ rqiq.