Stuffat

Qatta’ l-basla, it-tewma, u il-Karrotta f’biċċiet u aqli għal ftit minuti fiż-żejt taż-żebbuġa. Wara qatta’ l-majjal u l-bejken fi kwadri żgħar u żid mat-taħlita. Itfa’ l-kunserva u l-inbid u ħawwad sew.

Ftit tal-ħin wara itfa’ t-tadam u l-patata u ħalli t-taħlita ttektek fuq nar baxx. Sakemm qed isir l-istuffat, għalli r-ross. Meta l-laħam ikun irtab, żid il-piżelli u ftit bżar u melħ. Servi l-istuffat tal-majjal fuq ir-ross u żejjen bi ftit tursin frisk imqatta’ rqiq.